التخطي إلى المحتوى

يروي أحد المقبولين فى مسابقة 120 الف معلم ، الاختبار النفسي بالاسئلة والتفصيل ، الاختبار النفسي من واقع تجربتي الشخصية :

الاختبار النفسي مسابقة 120 الف معلم

اولا الوصول للمكان :
محطة رمسيس بتسأل عن قسم الازبكية و بتركب من هناك اكتوبر ب ٧ جنية و بتقول للسائق نزلي اقرب مكان للمدينة التعليمية وتقريبا هي جهينه و تعدي الطريق الناحية التانية هتلاقي عربيات بتدخلك من اول الطريق لبوابة الاكاديمية او مدينة مبارك ب ٤ جنية .
ثانيا الطريق م البوابة حتى الاختبار :
قبل ما تدخل م البوابة تبحث عن اسمك و رقمك ف الكشوفات في الاسامي اللي متعلقه ع بوابة المدينة و تدخل على المسرح مباشرة تسلم الوصل اللي اخدته من الاكاديمية المهنية للمعلمين اللي ف محافظتك و البطاقة وتبلغ الموظف برقمك ف الكشف مفيش صور بتصورها و بيديك Id فاضي بشريط ازرق تعلقه ف رقبتك و بعدين بتدخل تسمع تعليمات ازاي تؤدي الاختبار
ثالثا الاختبار :
* الاختبار في منه اكتر من نموذج انت و حظك و الاختلافات بينهم بتكون بسيطة
1. الوقت كويس متوترش نفسك و حل براحتك و ممكن يكون في وقت تراجع كمان
2. مفيش اسئلة اجابتها نعم او لا او ربما الاجابات بتكون جُمل و انت بتختار الانسب و الاصح
3.الاختبار عبارة عن 88 سؤال تقريباً 8 مجموعات في منها مجموعات 7 اسئلة و مجموعات 10
4.السمات الشخصية 6 نماذج تقريباً و عندك نموذجين اسئلة ذكاء و اسئلة اختيار من متعدد عامة و سهلة .
5.مترميش ودانك لحد و جاوب بشخصيتك انت و الاسئلة بسيطة و متقلقش من حاجة خالص بس ركز
رابعا العودة
بتركب نفس العربية اللي بتطلعك على اول الطريق و في عربيات بتعدي بتروح مؤسسة و ميدان لبنان و رمسيس و غيرها

تابعنا على مواقع التواصل الإجتماعي ليصلك كل جديد :

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *